• ×

12:57 صباحًا , الأحد 24 سبتمبر 2017

حي الضمير ويجلد الذات كرباج

زيادة حجم الخط مسح إنقاص حجم الخط
بعض العتب .. واللوم معاد يحتاج=والوضع ابلغ من علوم ومشاريه
على كثر ماقال ..ماشفت مخراج=او كلف الاحساس بالعذر من "ليه"؟!
او زيف شعوره .. لسلطان الاحراج=اهون .. ولا اللي قام ينضح بما فيه
لاراح راح .. ولا رجع ساق الافواج=باعذار تكشف .. والفعايل تعريه
جيته وهو هو .. والقصايد بالادراج=ماني في باله لا .. وللبعد مشقيه
ثم زاد بل الطين باسلوب منعاج=طالع بعينه واستدار بخطاويه
اقفا قوي العين مع ثايرٍ هاج=وانا الوحيد اللي يهده ويبنيه
اقفا وانا في داخلي كون وازعاج=ثارت براكينه وثارت معانيه
مايدري انه شخص عادي ولاداج=فيني ولاله بالهوى مايزكيه
من اول المشهد وانا اشوف الاخراج=ماحرك احساسي .. وانا أدرى بتاليه
اردى البشر .. له عرق من ساس الانتاج=يامبتلى .. ! او السبايب بلاويه
ماهمني والحرف لامثاله علاج=مانقصر بفعلٍ على الخير داعيه
اقولها والبحر ثاير بالامواج=متلاطم بمده وجزه يباريه
مهما وصل حده بتأمين وسياج=احرص من الزلات وابليس مخزيه
عن الخطا والاثم حراس وابراج=باحساس مؤمن خايف الله ويرجيه
والظاهر بخافي .. له النور وهاج=مامثّل بظاهر .. وخافي مغطيه
والحق ابلج .. ماتخفا ولا لاج=والعيب تعرف بالخوافي مواريه
هذا وفيني .. فايض الحرف هداج =باحساس تم .. وكمل شعور راعيه
حي الضمير .. ويجلد الذات كرباج=كنه على نار الثواني تصاليه



الشاعر
سلطان بن عتيق الحربي

 0  0  474
التعليقات ( 0 )

Rss قاريء

جديد المقالات

بواسطة : حسن السبع

هل كان جيلنا محظوظا؟ يسأل أحدهم، وكان موضوع...


زمننا هو زمن الحوسبة السحابية (cloud computing) وانترنت...


بواسطة : ادارة التحرير

مهنة التدريس من المهن التي عرفها البشر منذ قديم...


جميع الأوقات بتوقيت جرينتش +3 ساعات. الوقت الآن هو 12:57 صباحًا الأحد 24 سبتمبر 2017.